Meclis reisi M.Cemilev türkiy dünyasınıñ içtimaiy yolbaşçılar muşaveresinde iştirak etti

18.12.20000:00

 

2010 seneisniñ 27 fevral künü İstanbulda “Cevahir” musafirhanesinde Türkiye devlet naziri Faruk Çelik tarafından türkiy dünyası halqlarınıñ içtimaiy teşkilâtlerı temsilcileri şerefine berilgen resmiy ziyafet keçirildi. Tedbirde Türkiye baş naziri Recep Tayip Erdoğan iştirak etti. Tedbir yañı devlet müessisesi – Türkiye Cumhuriyeti Nazirler Şurasınıñ yanında Türk dünyası ile munasebetler boyunca departamentiniñ açıluvını muzakere etmek maqsadı ile keçirildi. Qırımnı Qırımtatar Milliy Meclis reisi, Ukraina halq deputatı Mustafa Cemilev ve Türkiye ile munasebetler meseleleri boyunca Meclis Reisiniñ mesleatçısı, QHA haber agentliginiñ general koordinatorı İsmet Yüksel temsil ettiler.

Evelde Türkiye KİV’ına devlet naziri, yañı departament açıluvınıñ mesüliyetçisi Faruk Çelik haber etkeni kibi, bu müessise çetel memleketlerde yaşağan Türkiye vatandaşlarınıñ meselelerini çezmek içün, qardaş türkiy halqlarınıñ içtimaiy, medeniy, iqtisadiy meselelerini çezmek maqsadı ile açıla. Ondan da ğayrı, Departamentniñ vazifelerinden biri – Türkiyege oqumağa kelgen studentlerge yardım etmek. Şimdi Türkiye Cumhuriyeti Nazirler Şurasınıñ yanında Türk dünyası ile munasebetler boyunca departamentiniñ büdjeti şekillenmesi boyunca iş yürsetile.

“QHA” HA malümatları boyunca

 

Опубликовано Рубрики Без рубрики