Yaş siyasetşınaslar qırımtatar milliy areket mevzusını muzakere ettiler.

11.05.20160:19

21 aprel künü ‘Ukraina yaş siyasetşınaslar birligi’ Aqmescit şeer teşkilãtınıñ leyhası çerçivesinde ‘Gençler kitaphanesi’ Qırım cumhuriyet muessiseniñ destegi ile qırımtatar Meclisiniñ tış bağlar reisi Ali Hamzinnen körüşüv olıp keçti.

Toplaşuv Qırımtatar milliy areketi mevzusına bağışlanğan edi. Körüşüvde 30 yaqın insan- qırım siyasetşınaslar, cemaat teşkilãtlarnıñ vekilleri, jurnalistler ve analitikler iştirak etti.

İştirakçiler milliy areket ve qırımtatar halqınıñ zemaneviy vaziyetinen bağlı sualler berdiler. Ayrı sualler Ukrainada qırımtatar halqınıñ diskriminatsıya misalleri, medeniy degil de, milliy- territorial muhtariyetni talap etken Meclisniñ mevamı, Qırımda islam radikalizminen bağlı edi. Qırımtatar balalarınıñ ana tilinde tasil alıp olamağanları diskrimintasıyanıñ biri sayılır. 45000 biñ balalardan tek er 10-unci bala ana tilini ögrene bilir. Qırım muhtariyetiniñ akimiyet organlarında Qırım ealisine faiz cehetinden uyğun miqdarda qırımtatar vekilleri olmağanı da qırımtatarlarınıñ Ukraina vatandaşları olaraq anayasa haqlarınıñ bozuluvları arasına kirsetile bilir.

‘Qırımtatarlarınıñ milliy-territorial muhtariyetiniñ tiklenilmesine kelgende ise, o XX asırda qırımtatarlarğa qarşı yapılğan bütün deşetli cinayetlerden soñ tek tarihiy adaletniñ tiklenüv protsessi degil de, qırımtatar halqınıñ yarımadada tamır halq olaraq saqlanılması ve inkişaf etmesiniñ kefili sayılır’- qayd etti Ali Hamzin.

Elmara Mustafayeva