Qırımtatar halqınıñ lideri Mustafa Cemilev nevbetteki kere Ukraina halq deputatı ola

11.03.201421:16

Hatırlatamız ki, Pötr Poroşenko Blokı cedvelinde 5-ci yerde edi.

Lâkin bazı bilgilerge köre, Meclis yolbaşçısı Refat Çubarov Radanıñ yañı terkibine keçmey, çünki Poroşenko Blokı cedvelinde tek 71-ci yerde tura.

Reis muavini Nariman Celâlniñ sözlerine köre, Refat Çubarov Ukraina halq deputatı ola bile.

“Ğaliba, keçmek sıñırına yaqın. Poroçenkoda 60 insanğa yaqın keçe bile, o – 71-ci. Baqmaq kerek, bonuslar bar, çalışmağa ketecek insanlar bar (cedevel “yılışır”, — muar.), amma qattı eminlik yoq”, — qayd etti o.

Onıñ sözlerine köre, çeşit siyasiy küçlerniñ cedvellerinde qırımtatar vekilleriniñ az olğanınen Meclis memnün degil.

Qırımlılar anda çoq, yeterli. Qırımtatarlar, Qırımtatar Milliy Meclisniñ, ukrain ve Qırım siyasetinde mart-aprel ayında esas rölüni oynağan ve şimdi devam etken teşkilâtınıñ vekilleri az. Ve şahsen Refat Çubarovğa, Qırımnıñ müim siyasetçilerinden biri olğan ve bu qızğın vaqıtta Qırımda diger müit saqlanmasında çoq yapqan insanğa tek 71-ci yer berildi. Mında cedvelde namzetlerniñ yerini belgilegen insanlarğa çoq sualler peyda ola. Böyle al ukrain siyasetçiligine sıcaq duyğular doğurmay, birinciden, Meclis tarafından, — qoştı Nariman Celâl.

Фото аватара

Автор: Редакция Avdet

Редакция AVDET