Türkler ilk sefer prezidentni saylâdılar

18.08.201421:04

Saylâvlarda eñ çoq rey qazanğan premyer prezident ola. Recep Tayip Erdogan Türkiye devlet başı saylâvlarında şübesiz ğalebe qazandı.

Türkiye prezidentiniñ ilk açıq saylâvlarında Recep Tayin Erdogannıñ ğalebesi beklenilgen bir aldır. Ükümet başı vazifesini eda etken Erdoğan 11 yıl devamında küçlü premyer-nazir olıp, Türkiyeniñ demokratiya tarihı devamında eñ muvafaqiyetli lideri sayıla.

Erdogannıñ esas tarafdarları diniy konservatorlar, ğalebesini devletni deñiştirmek oğrunda ğayretleri içün mukâfat olaraq qabul eteler.

Ğalebe qazanğan Erdoğannıñ ilk sözleri- minnetdarlıq ve demokratiya oğrunda hızmet etecegini vade etken sözlerdir. “ Sayğılı arqadaşlar, İstanbul sakinleri! Menim içün dua etmeñizni rica etem. Biz halqımzığa hızmet etmege, demokratiya yolundan ketmege devam etecekmiz. Men yaş qart demey, er kimge minnetdarlığımnı bildirem,”-dedi Erdoğan.

Saylâvlarda ealiniñ 80% iştirak etti. Soma şahtasında deşetli facia, ne de qabarcılıqnen bağlı qabaatlavlar Erdoğanğa büyük siyasette qalmağa ve inkişaf etmege keder etmedi.

“O adaletli ve saftır, — dey Zeliha Yıldız yañı saylanğan prezident aqqında ,- oña qarşı aytılğan iç bir sözge inanmaymız. O halqına hızmet etkeni üçün ve adalet oğrunda küreşkeni içün men oña öz reyimni berem.”

Saylâvlardan evel kampaniyasına 55 mln. lir , yani 27 mil. dollar masraf etildi. Muhalifet adından yekâne namzet Ehmelletdin İhsanoğlu da bayağı rey qazansa da, saylavlarnıñ ekinci turına acet qalmadı.” Saylâvlardan evel kampaniyasına 30 kün pek az sayılır, musaviy olmağan küç ve imkânlar arasında adaletsiz küreştir, amma biz saylavcılarnıñ aqıl-ferasetine işanamız,”- dedi muhalifet nazmeti Ekmelledin İhsanoğlu.

Erdoğan 12 yıl devamında premyer edi, daa 10 devamında, tekrar saylânılsa prezident ola bilir. Onıñ fikrine köre, devlet başı kerçek siyasette icra akimiyetniñ başında turmalı.

Parlament cumhuriyeti yerine Türkiye prezident, ya da qarışıq cumhuriyet ola bilir. “Erdoğan Anayasa tarafından przidentke berilgen sıñırlı akimiyetke qanaatlenmez. O öz imtiyazlarını mümkün olğanı qadar kenişletmege tırışır,- dep saya Sinan Ülgen.- Evelden qullanılmağan maddelerni de işletir. Misal olaraq, prezidentke akimiyet divanını idare etmek aqqını bergen maddeni amelge keçirir.”

Bazı talillerge köre, şimdiki prezident Abdulla Gül Erdoğannıñ yanında premyer ola bilir.

EuroNews ve “Вести”(“Haberler”) malümatlarından

Фото аватара

Автор: Редакция Avdet

Редакция AVDET