Bugün aqşam, iyül 22 künü, Münhendeki Olympia ticaret merkezinde atışma oldı. Tahmin etilgeni kibi, atışuv bir qaç yerde oldı.
Vaqianı öz közünen körgen adamlarnıñ ikâyelerine esaslanğan Abendzeitung München gazetası bildirgenine köre, 15 adam elâk oldı. Yerli televideniye ise 10 elâk olğan insan aqqında bildire.
Qutleviy informatsiya vastaları bildirgenine köre, bir yada bir qaç belgisiz şahıs Olympia ticaret merkezinde atışıp başlağanlar, birazdan olar vaqia yüz bergen yerden qaçqanlar. Münhen politsiyası altı adam elâk olğanı aqqında haberni tasdiqladı.
«Yazıq ki, aynı zamanda biz altı elâk olğan insan aqqında bildire bilemiz», — denile politsiyanıñ Twitter mikroblogında.
Atışmada şeklengen üç insan qıdırıla. Politsiya hadimleri sakinlerni açıq yerlerde bulunmamağa ve atışuv olıp keçken yerden foto ve videolarnı yerleştirmemege rica etti. Politsiya hadimleriniñ fikirince, mezkür atışma terroristik aktlar ola bile.
Münhen polisleri şeerde olıp keçken vaqia «İslam terrorizminen» bağlı olmağanı aqqında haber ete, dep yaza «RİA Novosti».
