Köktebel memuriyetiniñ başı Mark Krasnov işten boşamaq içün ariza yazdı
Bu aqta Kefe memuriyetiniñ başı Stanislav Krısin bildirdi.
«Köktebel memuriyetiniñ başı öz vazifesini eda etip olamağanı sebebinden onı işten boşamaq aqqında arizası qabul olundı», — dedi o.
Kefeniñ başı Köktebel memuriyet başı vazifesine konkurs ilân etilecegi aqqında bildirdi ve anda iştirak etmek içün Qırımda belli bloger Aleksandr Gornıynı davet etti, dep bildire «Krıminform».
«Men bu vazifege Köktebel boyunca cemaat areketiniñ faal azası, Qırımda belli blogerni davet etem. Kelsin de memuriyet başı olsun», — dedi memur.
«Kelsin de, yarışta iştirak etsin, biz onıñ ile emekdaşlıq yaparmız», — dedi o.
Aleksandr Gornıy ise, öz nevbetinde, yarışta iştirak etmege azır, amma kesen-kes qarar almaq içün onıñ bir qaç sebebi bar. Bu aqta o, «Argumentı nedeli — Krım» neşirine bildirdi.
Hatırlatamız, Köktebel memuriyetiniñ başı vazifesini eda etken Sergey Padükov qabar alğanı içün 8 yılğa azatlıqtan marum etildi, ve 16,4 million ruble köleminde para cezasına oğratıldı. Padükov 2015 seneniñ mart 30-dan aprelniñ 27-ne qadar Köktebel memuriyet başı vazifesini eda etti. Aprelniñ soñunda ise bu vazifege Sergey Storojik tayinlendi. Avgustnıñ 7-de o qaınınen yaşağan evde asuvlı tapıldı. Memuriyet başı vazifesini eda etmek kene Padükovqa avale etildi. Eki aftadan soñ o, uquqqoruycılar tarafından yaqalandı.
