Kelecek bazar künleri Qırımnıñ avası biraz salqınlaşacaq. Avanıñ arareti 7-8 gradusqa aşağı tüşecek.
Bu aqta «Qırım gidrometeorologiya ve etraftaki tabiatnı nezaret etüv» idaresiniñ bölük müdiri Raisa Stepanova bildirdi.
«Cumadan cumaertesine keçer gecesi salqın olacaq, amma bu al çoqqa sürmeycek», — dedi Stepanova.
Sinoptiklerniñ bildirgenine köre, bazar künü eñ salqın olacaq.
«Bazarertesi, avgustnıñ 15-den başlap, avanıñ kene qızıp başlaycaq»,- dep qayd etti Stepanova
