Qırımtatarı Refata Mazalovnıñ oğlu evlerinde keçirilgen tintüv aqqınla qısqadan tarif etti.
«Saba saat 7-ge yaqın OMON hadimleri keldiler. Vesiqalarnı tek babama körsettiler, başqa kimsege körsetmediler. Men yuqlay edi, şamatadan uyandım. Tek ştanlarımnı kiyip yetiştirdim, qıpıdan silâhlı erkek kirdi, yerge yatmaq emir berdi, ceblerimni baqıp çıqtı, soñra – er kes çıqışqa. Bütün ailemizni azbarğa çıqardılar. Er birimizniñ yanında birer hadim tura edi. Evde neni qıdırdılar haberim bile yoq», – tarif etti yigit.
Hatırlatamız, tintüvden soñ Bağçasaraynıñ 6-ncı mikrorayonında yaşağan ev saibi Refat Mazalovnı sebebini añlatmayıp, Bağçasaraynıñ ROVD bölügine alıp kettiler.
Vaqıt keçken soñ, onı serbest bıraqtılar. «Qırım. Aqiqat» saytı içün Qırımtatar Qurultaynıñ saylav komissiyasınıñ reisi Zair Smedlâyev haber etkeni kibi, Mazalov telefonğa cevap bermey, onıñ içün onıñ bulunğan yerinen tafsilâtlı malümat yoq.
