Qırımnıñ cemaat teşkilâtları bütün Qırım narazılıq mitingini Aqmescit ve Yalta şeerlerinde keçirmek niyetleneler.
Miting iştirakçileri yarımadanıñ ağır içtimaiy vaziyet aqqında tarif etmek isteyler.
Faalci İlya Bölşedvorovnıñ sözlerine binaen, teşkilâtçılar başta avgust 20 künü, Şevçenko şeer bağçasında mitigni keçirmek içün arizanı yazdılar, lâkin şeer memuriyeti bu tedbirni Kiyevskaya soqağında keçirmege izin berdi.
Cemaat vekilleri yarımadadaki şirket işçileriniñ ağır içtimaiy vaziyetleri aqqında ikâye etmek niyetleneler. Mitingte Qırımnıñ bir sıra şeerlerinden kelgen adamlar iştirak etecekler, bildile «RosBalt».
«„Krımtrolleybus“, „Krımmoloko“, „Krımhleb“ kibi belâdiye şirketlerniñ vaziyeti ağır dep, ayta bilemiz. Tib, pedagogik ve diger içtimaiy işçilerniñ aylıqları belgilengen ükümet talaplarına uymay», — dedi İlya Bölşedvorov.
Aktsiyanıñ soñunda petitsiya yazılıp federal ükümetke teslim etilecek.
«Cumhuriyet seviyesinde bütün meseleler pek zor çezile. Cumhuriyet ükümetinde bulunğanlarnıñ ya ihtisas ceetinden zayıflar, ya da vazifelerni keregi derecede mahsus becermeyler», — bildirdi İlya Bölşedvorov.
