Avgust 14-te Qızıltaş köyünde Qırım musulmanları Refat Alimovnıñ azbarında dua keçirdiler.
Qırımtatarlar Rusiyede yasaq olunğan «Hizb ut-Tahrir» teşkilâtına mensüpliginde qabaatlanğan Refat Alimov, Arsen Cepparov ve Enver Bekirov içün dua ettiler.
Mezkür tedbirden videonı Facebooktaki «Кримські політв’язні» saifesine yüklediler.
Hatırlatamız, Enver Bekirovnı fevral 11 künü 2016 senesi apis ettiler. Refat Alimov ve Arsen Cepparovnı ise aynı seneniñ aprel 18-inde apiske qapattılar. Olarnı Rusiye cinaiy kodeksiniñ 205.5 maddesi, 2-ncı babqa esaslanaraq, terroristik teşkilâtında iştirak etkenlerinen qabaatlaylar.
Foto: Leniye Nazarbekova
