Medeniyet ve medeniy mirasnı qoruv boyunca Qırım Cumhuriyet Devlet komitetniñ azası Anatoliy Jilin 1927-1932 seneleri Yalta kinostudiyasında çalışqan cenk operatorı, Ekinci cian cenkiniñ iştirakçisi, «Lager smerti «Ösventsim» vesiqalı filmniñ müellifi Kenan Kutub-zadeniñ adını ebediyleştirmege teklif etti.
Öz fikirini deputat avgustnıñ 16-da Qırımtatar medeniy-tarihiy miras müzeyinde ötkerilgen operatornıñ 110 yıllığına bağışlanğan hatıra aqşamında bildirdi.
Tedbirde Qırım medeniyet nazirliginiñ vekili imam Raim Gafarov Kenan Kutub-zadeniñ ruhuna dua bağışladı. Tedbir devamında cenk aqqında şiirler oquldı, operatornıñ oğlu İsmet Kutub-zadeniñ şahsiy arhivinden alınğan vesiqa ve fotolarğa esaslanıp teşkil olunğan Kutub-zadeniñ ayatı ve faaliyeti aqqında «Cenk operatorları» adlı süjet kösterildi.