Bugün Aqmescitteki ruh hastalıqlar dispanserinde bulunğan Meclis reisiniñ muavini İlmi Ümerovnıñ sağlığı ğayet ağırlaştı.
Bu aqta Qurultay Merkeziy Saylav Komissiyasınıñ reisi Zair Smedlâyev bildirdi.
«O atta esini coydı. Belki de böyle al kardiologiya bölüginde tedaviylev keregi qadar yapılmağanınen, ya da şeker hastalığından sebep, vaqtında aş aşamağanınen bağlı, çünki hastahane aşını o belli sebeplerden aşamay, ev aşını ise künde tek eki kere bermege razılıq berdiler, — dep yazdı o, özüniñ Facebook saifesinde.
Avdet bildirgeni kibi, İlmi Ümeronı ruh hastaları dispanserineniñ doquzıncı bölügine yerleştirip, çoq yıllar devamında qullanğan ilâclarnı yanına almağa yasaq ettiler.
Hatırlatamız, bazarertesi künü, avgustnıñ 22-nde Meclis reisi İlmi Ümerovnıñ evinde dua oqulacaq.
