Avgustnıñ 25-de Kezlevdeki «Odun-bazar qapusında» istidatlı ressam Lilâ Abdureşitovanıñ «Örnekniñ sırı» adlı özgün sergisiniñ açılması qararlaştırıla.
«Odun-bazar qapusı»nda sizlerni resimlerniñ meraqlı saifeleri, açıq renkli boyalar ve şarqiy örnekler, resimlerniñ tılsımlı sırı ve çoqtan-çoq tesuratlar bekley», — denile beyanatta.
Sergi saat 11-de başlanacaq. Kiriş serbest. Adres: Kezlev, Karayeva soqağı, 13 a. Malümat içün telefon: +7978 702 85 96.
Foto: İldar İbragimov