İlmi Ümerovnıñ oğlu Suleyman onıñ artından közetkenlerini esledi

22.08.201617:40

İlmi Ümerovnıñ oğlu Suleyman onıñ artından közetkenlerini esledi

Bu aqta onıñ tatası Ayşe Ümerova haber etti.

Bugün saba, ruhiy hastalar hastahanesine babasını baqmağa kelgen Suleyman Ümerov onıñ artından Rusiye Federatsiyasınıñ 193 regionına ait maşna yürgenini qayd etti. Aqşam aynı şu araba onıñ artından hastahanegece bardı.

«Bu al bizni pek raatsızlay. Ervin İbragimovnı da nazariyet astında tuta ediler, o ğayıp olmazdan evel bu aqta bildirgen edi…», — dep yazdı Ayşe Ümerova özüniñ Facebook saifesinde.

Hatırlatamız, mahkeme qararı ile Meclis reisiniñ muavini İlmi Ümerov mecburiy alda ruhiy ekspertizağa yollanıldı.
Belli ki, Suleyman Ümerov «Meydan» radiosı ve ATR telekanalında yayınlarnı alıp bara edi.

Фото аватара

Автор: Редакция Avdet

Редакция AVDET