Bu yılnıñ oktâbr ayından başlap, Qırımda yekâne tölev kvitantsiyası amelge keçirilecek.
Bu aqta Qırım kommunal hızmetler naziriniñ birinci muavini Yuliya Kökareva bildirdi.
«Nazirlikniñ qararlaştırğanına köre, cumhuriyette, şu cümleden Aqmescitte, 2016 seneniñ oktâbr ayından başlap, birinci tölev vesiqaları amelge keçirilecek. 2017 seneniñ aprel ayından ise, böyle tölev sisteması bütün Qırımda işletilip başlaycaq», — dep qayd etti Kökareva.
Onıñ aytqanına köre, ev saipleri bu aqta kün evelden haberdar etilecek.
Böyle tölev sisteması Rusiyede 2005 seneden belli işletile eken.
