Apste bulunğanlarnıñ balalarına 12-şer biñ berildi

28.08.201617:53

Bu ayda lâqayd olmağan insanlarnıñ yardımınen siyasiy ve diniy sebeplerden ötrü azatlıqtan marum etilgen, yoq olğan insanlarnıñ balalarına 12-şer biñ ruble darqatıldı.

Bu aqta «Bizim balalar» cemaat teşebbüsiniñ yetekçisi, jurnalist Lilâ Bucurova haber etti.

Toplanğan paralar tünevin analarğa berildi.

Lilâ Bucurovanıñ bildirgenine köre, iyün ayından başlap, maddiy yardım qorantada olğan er bir balağa berilip başladı. Yardım Qırım ve ondan tış yerlerden kele.
«Böyle teşebbüsnen çıqqanda, tölevler ayda bir kere yapılacağına işanğan edik, em öyle de oldı!»,- dedi o.

«Bizim balalar» cedvelinde 47 bala bar.

«Bizge şahsiy paralarnı ketirgen insanlar, «Ögde sentâbr, em oquv yılı başlana, em Qurban bayramı keleyata. Barsın, bizim balalar ve olarnıñ qorantaları, babaları apshanelerde olğanlarına baqmadan, musulmanlar içün muqaddes Qurban bayramını kerekli derecede qayd etsinler dediler», — dep ikâye etti o.

Avdet bildirgeni kibi, keçenleri «Hizb ut-Tahrir» işi boyunca şeklengen «yaltalılarnıñ» biri olğan Vadim Siruknıñ qızı doğuldı.

Hatırlatamız, Aqmescitte iyünniñ 9-dan başlap, «Bizim balalar» cemaat teşebbüsi amelge keçirilip, apste bulunğan Qırım musulmanlarınıñ balalarına maddiy yardım kösterilip başladı.

Paralarnı :
1. Kün evelden +7 978 208-56-55, +7978-780-63-52 telefonlar arqalı bağlanıp. «Bizim balalar» şurasına tapşırmaq mümkün.
2. 2. №40817810203330000899 raqamına. Abdulvapova Lilâ Narimanovnanıñ adına «GENBANK», AO «GENBANK»qa yollamaq mümkün.
3.Kivi-köşelek:+7(978)7806352
4. Yandeks-köşelek: 410014312858728.
Bütün qoşma malümatnı «Bizim Balalar» Facebook resmiy saifesinde tapmaq mümkün.

Фото аватара

Автор: Редакция Avdet

Редакция AVDET