«Sudaq avtoyürüşi» daa terence ögrenilecek

29.08.201617:41

Bugün Qırım Yuqarı mahkemesinde «Sudak avtoyürüşi» boyunca Rusiyeniñ Sudaqtaki OMVD yolbaşçısınıñ şikâyeti boyunca toplaşuv ötkerildi.

Hatırlatamız, mayısnıñ 18-de Sudaq şeerinde qırımtatar bayraqlarınen öz yengil maşnalarında yürgen dört qırımtatar gençini yaqaladılar. Amma mahkeme cinaiy işni qapatmaq qararını aldı.

Toplaşuv devamında, Ablâkim Ablâkimov ve Enver Çavuşqa nisbeten açılğan protokollar boyunca şikâyetler baqıldı. Mahkeme Sudaq İçki işler nazirliginiñ yolbaşçı vazifesini eda etken Krekovnıñ şikâyetini köz ögüne alıp, iş birinci derece mahkemege daa terence baqılması içün yollanıldı.

«Polisler öz şikâyetini gençler qutleviy tedbir teşkil etip, özlerine diqqat celp etkenlerinene isbatlaylar. Yani, olar «bayraq – agitatsiya vastası» dep, öz fikirinden qaytmaylar», — dep izaatladı öz Facebook saifesinde Sudaq faalcisi Lenora Dülber.

Фото аватара

Автор: Редакция Avdet

Редакция AVDET