İlmi Ümerov hastahanede sentâbrniñ 7-ne qadar qalacaq

31.08.201614:15

Meclis reisiniñ muavini sentâbrniñ 7-ne qadar ruhiy hastalar dispanserinde qalacaq.

Bu aqta onıñ adliyecisiniye FSB hadimi Şevçenko bildirdi.

«Bunıñ ile bir sırada, İlmi Ümeovqa nisbeten iç bir taqiqat işleri endi alıp barılmay, amma ne sebepten o hastahanede qalmağa mecbur olğanı belgisiz, Rusiye akimiyeti bu areketlerni iç bir türlü izaatlamay», — dedi Polozov.

Adliyeciniñ sözlerine köre, qorçalaycı taraf FSB taqiqatçısına İlmi Ümerov tez vaqıtta azat etilmesi aqqında bir sıra muracaatlar yollamaq niyetinde.

«Qırımdaki Rusiye akimiyetiniñ İlmi Ümerovqa nisbeten yapqan aqsız areketleri halqara cemaat-siyasiy rezonans taşığanını köz yügüne alaraq, men Ukrain akimiyetini bu meselede qattı çıqış ve areketlerge çağıram. İlmi Ümerovnı azat etiñiz!», dep yazdı Polozov Facebook saifesinde.

Ümerovnıñ adliyecileri bildirgenine köre, bugün onı Qırım sağlıq saqlav naziriniñ muavini ziyaret etip, o bulunğan şaraitlerni ögrengen.

Adliyeci Meclis muavininiñ sağlığı bir qarar olğanını bildirdi, amma o bulunğan şaraitlerde oña kerekli derecede baqım yoq.

Avdet bildirgeni kibi, advokat Mark Feygin ve Meclis muavini İlmi Ümerovnıñ uquqqoruycıları FSB taqiqatçısına muracaatta bulunıp, onıñ azat etilmesini talab ettiler. Amma İlmi Ümerovnı hastahanede qaldırmaq qararını aldılar.

Фото аватара

Автор: Редакция Avdet

Редакция AVDET