Aqmescitte Elmaz Bahşışnıñ «Babam qurdı bir bağça» adlı ilk şiirler kitabı temsil etildi.
Kitapqa şaireniñ balalar içün yazılğan şiirleri kirsetildi. Temsil tedbirinde şiirler cıyıntığından ifadeli şiir oquğan balaçıqlar iştirak etti.
Cıyıntıqnıñ müellifi Elmaz Bahşış bildirgeni kibi, o ta studentlik devirinde yazıp başlağan , amma bu onıñ derc etilgen ilk şiirler toplamı. Kitapnı neşirge «Közaydın» merkeziniñ reisi Zarema Hayredinova azırladı. Bu onıñ neşir aleminde ilk adımlarıdır.
İnternette «Buk-treyler» vastasınen kitapnıñ elektron şekilini tapmaq mümkün.Şiirler balalar sözlerni doğru aytıp, ifadeli oqup olmaları içün seslendirildi, dep bildire Crimeantatars.club.
