Qırımda nefaqacılar 2017 yılınıñ yanvar pensiyasınen birlikte 5 biñ ruble miqdarında bir kerelik para tazminatını alacaqlar.
Bu aqta sentâbrniñ 2-sinde cuma künü Aqmescitte ötkerilgen matbuat-konferentsiyası devamında Qırım boyunca Rusiye nefaqa fondunıñ idareci muavini Lüdmila Pupışeva bildirdi.
Onıñ sözlerine binaen, bunıñ içün federal bücetinden eki milliard ruble civarında sermiya ayırıldı.
«Mezkür para tazminatı 2017 seneniñ yanvar pensiyasınen birlikte berelicegi planlaştırıla», – dedi Pupışeva.
«Bu paralar nefaqacılarnıñ er angi kategoriyasına, çalışqanlarğa bile berilecek. Tazminatnı yerine ketirmek içün ödemekniñ tertipi, şahslarnıñ dairesi ve bütün meselelerni aydınlatqan federal qanunnı qabul etmek kerek. Rusiye Federatsiyasınıñ ükümetine qanunnı işlep çıqarmaq ve Devet dumasına onı taqdim etmek vazife berildi», – izaatladı o.
