Aqmescitniñ Makrousova soq. 7 adresi boyunca eskiden «Al-Raid» yerleşken binada tünevinki tintüv neticesinde kenef yanında yasaq etilgen edebiyatnı taptılar.
Bu aqta Ukraina musulmanlar müftisi Said İsmagilov haber etti.
Onıñ malümatına binaen, silâlı OMON hadimleri üyle vaqıtında binağa kirdiler. Kün devamında binağa bütün kirişler qapatılğan edi, namaz qılmaq istegenlerni de yibermey ediler.
Soñki eki sene devamında bu endi üçünci tintüv. İsmagilovnıñ sözlerine binaen, evelki seferler camige sankim Rusiyede yasaq etilgen edebiyatnı mahsus qoyulğan edi.
«Böyle vaziyet er seferinde tekrarlana bilecegini közüne alıp cami imamı künde bir qaç kere ciminiñ er köşesini teşkirip baqa edi. Bu sefer ise Muhammad Abdel-Vahhab müellifliginde çıqqan «Üç esas» degen kitaplarını ayaqyol yanında qoyup taşladılar. Ayaqyol yanında!» — çorlandı müftiy.
Bir qaç biñ ziyaretçiden daret olğan yerli din cemiyetine qaşı cinaiy iş açılıp mahkemege berilecegi aqqında haber etile.
Belli olğanı kibi, mezkür binada Qırımda belli olğan ve hayriye işlerinen de oğraşqan «Sozidaniye» teşilâtı yerleşe. Ondan da ğayrı binada tasil merkezi faaliyet köstere ve bir sıra faydalı tedbirler ötkerile.
