Aqmescit – Yalta yolunda, Mamut-Sultan köyünde elâk olğan Rustem Kelmambetovnıñ yaqınları qazanıñ şaatlarını qıdıralar.
Bu aqta özüniñ Facebook saifesinde onıñ torunı Rusfet Kadırov bildirdi.
Onıñ sözlerine köre, daa tasdiqlanmağan malümatqa binayen,avgustnıñ 26-da dümenci sarğoş yürgeni içün vesiqalarından marum olğan.
«Onıñ maşnasında videoregistrator bar edi, amma o, tesadüfen, ğayıp oldı. Bu yazılarnı darkatmañıznı rica etem. Belki kimse bir şey körgendir ve bu aqta ikâye etmege azır», — dep yazdı o.
Avdet, bildirgeni kibi, sentâbrniñ 7-de, aqmescit rayonınıñ Mamut-Sultan (Dobroye) köyünde piyade keçiti yanında Skoda maşnası insannı basıp öldürdi. Dümenniñ başında arbiy insan edi.
