Aqmescitniñ Profsoyuzlar medeniyet evinde büyük bayram namazını Qırım müftiysi alıp baracaq.
Qurban bayramınıñ birinci künü, sentâbrniñ 12-de Qırımnıñ episi camilerinde bayram namazı ötkerilecek, camileriniñ imamları müminlerge vaazlar aytıp, tebrik sözünen muracaatta bulunacaqlar. Ananeviy umumiy namaz saat 7:09 başlanacaq
Bu aqta Qırım müftiyatınıñ matbuat hızmeti bildire.
Aqmescitte camilerden ğayrı, bayram namazı Kiyevskaya soqağı, 115. Yani Profsoyuzlar medeniyet evinde keçirilecek. Mında bayram namazını ve vaaznı Qırım müftiysi haci Emirali Ablayev keçirecek.
Belli olğanı kibi, bu sene Qurban bayram sentâbr 12-15 künleri qayd etilecek. Bu künleri qartlarnı, soy-aqrabalarnı, hastalarnı,qabristanlarını ziyaret etip, qurban çalmaq adet olğan.
