Sevil Mustafayeva ömür arqardaşı ile üç balanı östüreler. Olardan ekisi doğğanlarından berli doğmuşlardan nesil-nesilge keçken siyrek rastkelgen hastalıqlarğa oğradılar.
Bu aqta jurnalist ve bloger Zair Akadırov ikâye etti.
Onıñ aytqanına köre, Sevilânıñ 10 yaşındaki qızı Ediyede leykodistrofiya ve DTSP hastalığı bar. 9 yaşındaki oğlu Ruşen ise fenilketonuriya ile hasta.
«Endi 10 yıl devamında qadın ne körip olğan, ne qıbırdap, ne de bir de bir şey körüp olğan qızçıqnı baqmaqta. Ekimler. Böyle ballar tek 2,5 yıl yaşay degenlerine baqmadan, Sevil balası tedaviylengenini arz ete. Episi aşlarnı püre sıfatında yapıp, qadın qızçıqnı ayaq üstünde aşata. Balağa massaj yapmaq olmay, şu sebepten onıñ adaleleri çalışmay», — ikâye ete Zair Akadırov.
Sevilânıñ 9 yaşındaki oğlu da mahsus aşlarnı aşamağa mecbur.
«Bir baqıştan o, adiy bala, mektepke bara, amma er kes aşağan aşlarnı oña aşamaq mümkün degil, bundan da ğayrı mahsus qoşma şeylerni satın almaq kerek», — qoştı mühbir ve qorantanıñ vaziyetine lâqayd olmağan insanlarnı yardım etmege çağırdı.
Yardım etmek istegenler aşağıdaki esap raqamları boyunca Rusiye ve Qırım erkânında para yollay bileler:
MUSTAFAYEVA SEVİLÂ MEMETOVNA
Alıcınıñ bank esabı: № 40817810684000190446
Alıcınıñ bankı: RNKB Bank (PAO)
Korr.sçet: 30101810335100000607 v Ötdelenii po Respublike Krım Banka Rossii
BİK 043510607
İNN 7701105460
KPP 910201001
Keçenleri Avdet Sevil Mustafayevanıñ doğmuş qardaşı, qolsız üç saqat balanı baqıp östürgen Sevil Berberov aqqında ikâye ete edi.
