Qırımtatar qorantalarına Kiyevniñ civarında topraq damartalarını bermege vade eteler

16.09.201612:14

Kiyev vilâyetiniñ Abramovka köyünde, subbota, sentâbrniñ 17-de Donbastan köçmege mecbur olğan qorantalarğa topraq damartalarını almaq aqqını tasdiqlağan şeadetnamelerni berecekler.

Bu künü şeadetnamelerni 103 insanğa berecekler. Leyha boyunca, yaşağan yerlerni terk etmege mecbur olğan 560 qorantağa, olardan 60-qırımtatar ailesi, topraq damartaları berilecek.

Bu aqta «Krımskaya diaspora» matbuat kâtibi Tatyana Güzik bildirdi.
«Vışgorod rayonında Abramovka köyü yanında bizge 55 gektar topraq ayırıldı. 560 qoranta, olardan 60-qa yaqın qırımtatarı ve bir qaç Qırımdan kelgen ailege köy hocalığı ve ufaq mesken qurmaq aqqını tasdiqlağan şeadetnameler berilecek», — dedi Tatyana Güzik.

Onıñ sözlerine köre, ileride teşkilât, yerli akimiyetnen birlikte,bağça kooperativini meydanğa ketirip, yaşağan yerlerini terk etmege mecbur olğan qorantalar, şu yerde mesken qurıp, bağçalar saçıp yaşamağa imkânları olması içün şarait yaratmağa tırışacaqlar, dep yaza «Krım.Realii».

Фото аватара

Автор: Редакция Avdet

Редакция AVDET