Sentâbrniñ 17-de Bağçasarayda «Bizim balalar» teşebbüs cemaat teşkilâtınıñ azaları Qurban bayramı munasebetinen apste bulunğan qırımtatarlarnıñ balaları içün bayram teşkil etip, olarğa bahşışlar taqdim ettiler.
Bu aqta «Bizim balalar» cemaat teşebbüsi teşkilâtınıñ yetekçisi jurnalist Lilâ Bucurova bildirdi.
«Bugün bizim balalar Qurban-bayram munasebetinen bahşışlar alıp, quvandılar, şeñlendiler, müzeyge bardılar. Olarnıñ quvançı apste bulunğanlarnıñ balalarına yardım köstergen insanlar içün büyük bahttır. Sağ oluñız», — dep yazdı o özüniñ Facebook saifesinde.
Hatırlatamız, iyunniñ 9-da Aqmescitte apste bulunğan Qırım musulmanlarınıñ balalarına yardım köstermek niyetinen «Bizim balalar» teşebbüs gruppası meydanğa ketirildi.
Paralarnı «Bizim balalar» Şurasına kün evelden +7 978 208-56-55, +7978-780-63-52 nomera arqalı telefon açıp, yollamaq mümkün.
2. Ya da Abdulvapova Lilâ Narimanovnanıñ adına №40817810203330000899 bank esabına, «GENBANK», AO «GENBANK».
3. Kivi-köşelek: +7(978)780 63 52
4. Yandeks-köşelek: 410014312858728.
Bütün qoşma malümatnı «Bizim balalar» Facebook resmiy saifesinde tapmaq mümkün.
Avdet bildirgeni kibi, iyün ayından başlap, «Bizim balalar» teşebbüs gruppası er bir balağa yardım berip başladı. Yardım Qırımnıñ çeşit köşelerinden, atta tış memleketlerden kele.
