Bugün Bağçasaraydaki İçki İşler bölüginde «E merkeziniñ» hadimleri iştiraginen ötkerilgen soravdan soñ, qırımtatar halqı Meclisiniñ azası Ali Hamzinge RF KOAP 1-nci qısım 2028 maddesi boyunca, yani «Faaliyetini toqtatamaq qararı çıqarılğan cemaat da diniy teşkilâtnıñ faaliyetini teşkil etüv» qabaatını çıqardılar.
Bu aqta Meclis reisiniñ birinci muavini Nariman Celâl haber etti.
Qabaat belgilengeninen, mahkeme toplaşuvı ötkerilip, Hamzinnı 1000 kümüşke cezalamaq qararı alındı.
Avdet bildirgeni kibi, bazı Meclis azalarını ve Qurultay delegatlarını Aqmescitteki ekstremizmge qarşı küreş alıp barğan Merkezge davet ettiler.
2016 senesi aprelniñ 26-da Qırım Yuqarı mahkemesi qırımtatar halqı Meclisini ekstremistik teşkilât olaraq tanıdı ve Rusiye Federatsiyasında onıñ faaliyetini yasaq etti. Sentâbrniñ 29-da Rusiyeniñ Yuqarı mahkemesi Meclisni yasaq etüv aqqında qarar boyunca apellâtsiyanı baqacaq.
