Hayser Cemilev üç yıl devamında memuriy nazariye astında bulunacaq

30.09.201623:53

Astrahanniñ Sovet rayon mahkemesi, bugün, sentâbrniñ 30-da, Hayser Cemilevni müddetten evel azat etilmesini yasaq etti. Onıñ adliyecisi Nikolay Polozov mahkeme qararı aqqında şikâyet etecegini bildirdi.

Bundan da ğayrı, bugün, rusiye mahkemesi Hayser Cemilevniñ artından memuriy nazariye etmek aqqında qarar alğanı belli oldı.

Bu aqta Nikolay Polozov bildirdi.

Alınğan qarar boyunca, Hayser Cemilevge Qırımdan çıqmaq yasaq etile, Bağçasarayda, yaşağan evinden çalışmağan taqdirde, aqşam saat 22-den saba 6-ğa qadar bir de bir yerge ketmek olmay, qavehane, restoranlarda yada diger içkicilik olğan yerlerde bulunmaq yasaq etile. Hayser Cemilev ayda eki kere «yaşağan yada qaydtan keçken yerindeki içki işler idaresine barmaq kerek.

Polozov özüniñ Facebook saifesinde aytıp keçken akemniñ hatası, Hayser Cemilevke Qırım yerine Astrahan vilâyetinden çıqmaq yasaq etilgeninen bağlı.

Avdet, bildirgeni kibi, Hayser Cemilev Astrahan koloniyasında etraf müitten ayırılıp 210 kün keçirdi.

Фото аватара

Автор: Редакция Avdet

Редакция AVDET