Aqmescit ava limanında bir qaç on uçaq seferi lâğu etildi.
Yarımadanıñ esas ava limanı online tablosındaki malümatqa binaen, salı künü saat 5.00-ten 16 sefer lâğu etildi.
Bundan evel Aqmescitten çıqması planlaştırılğan daa 11 uçaq seferi oktâbr 4-te yapılmaycaq. Bu seferler «VİM-Avia», Red Wings, Saratov airlines, «Pioner», Pegas fly ve diger şirketler tarafından ömürge keçirilmek kerek edi.
Hususan, Yekaterinburg, Moskva, Penza, Perm, Krasnodar, Mineralnıye Vodı, Samara, Saratov, Qazan ve Omsk şeerlerine yolcu uçaqlarınıñ uçuşı lâğu etildi.
Ava limanında bildirdiler ki, böyle vaziyet ava taşıcılarınıñ qabaatınen ola, dep haber ete «RİA Krım».
