Qırımtatar ferması bütün Rusiye yarışında ğalip çıqtı

04.10.201621:45

Qırımnıñ Aqşeyh (Razdolnoye) rayonı sakini Selver Selâmetovnıñ ferma hocalığı bütün Rusiye köy hocalığı yarışında «Eñ yahşı ayvanasravcılıq aile ferması» namzetliginge ğalebe qazandı.

Bu aqta Aqşeyh rayon memuriyetiniñ köy hocalığı inkişafı meseleleri boyunca bölüginde bildirdiler.

Yarış «Altın küz – 2016» 18-ci rusiyeli agrosanayı sergisi çerçivesinde keçirildi. Konkursta bütün Rusiyeden fermer hocalıqları iştirak etti.

Oktâbr 6-da Moskvada keçirilecek halq hocalığı muvafaqiyetleri sergisinde RF köy hocalığı naziri Aleksandr Tkaçöv Qırım fermerine ğalip altın medalini taqdim etecek, dep bildire «Krıminform».

Фото аватара

Автор: Редакция Avdet

Редакция AVDET