Odessada qırımtatar tili kursı başlana

05.10.201613:40

Oktâbr ayında Odessada qırımtatar tili kursı başlana.

Leyha içün para, Köçkenler teşebbüslerine destek boyunca kiçik grantlar programması çerçivesinde Birleşken Milletler Teşkilâtı qaçaqlar meseleleri boyunca Agentlik tarafından ayırıldı. Bu aqta malümat «Desâte kvitnâ» cemaat teşkilâtı saytında bildirile.

İşbu kurs çerçivesinde tilşınas ve qırımtatarca-rusça ve qırımtatarca-ukrainca luğatınıñ, bunen beraber, bir sıra ihtisas luğatlarınıñ müellifi Seyran Useinov tarafından işlep çıqarılğan til ögrenüvi programması esasında derslerniñ keçirilmesi planlaştırıla.

Daa effektiv neticeler almaq maqsadınen programmağa vizual ve interaktiv usullar qoşulacaqtır. İşbu programmanen link boyunca tanış olmaq mümkün.

Er angi meseleler boyunca kurs idarecisi Mustafa Ametovğa muracaat etmeli: ametov.mustafa@gmail.com.

Dersler nevbetteki adres boyunca yerleşken «Desâte kvitnâ» cemaat teşkilâtınıñ binasında keçirilecek: Tereşkova soq., 15, kab. 509.

Hatırlatamız ki, sentâbr ayından başlap, Aqmescitte qırımtatar tili kursı başlandı. Derslerge nevbetteki telefon nomeri vastasınen yazılmaq mümkün: +7 978 890 07 39.

Фото аватара

Автор: Редакция Avdet

Редакция AVDET