Qırım belediye qurulışları reabilitatsiyadan keçken vatandaşlarğa maddiy yardım etmek içün 11,5 million ruble aldı.
Bu aqta milletlerara munasebetler ve sürgün etilgen vatandaşlar meseleleri boyunca Devlet komitetiniñ reisi Zaur Smirnov bildirdi.
Umumen olaraq, mesken ev quruvınıñ yekünlenmesine bir kereden berilgen maddiy yardım etmek içün Devlet komitetine Qırım bücetinden 24 million ruble ayırıldı, dep bildire «AN Krım».
Maddiy yardım miqdarı, ihtiyaclarğa köre, belediye rayonı memuriyetiniñ komissiyası tarafından belgilene, amma onıñ 30 minimal aylıq miqdarından ziyade olması mümkün degil.
