Oktâbr 14-te Aqmescitte, Semaşko adına cumhuriyet hastahanesi yanında «Jiguli» avtomobiliniñ aydavcısı yolcunı urdı.
Şaatlarnıñ içtimaiy ağlarda bildirgenlerine köre, vaqia saba Kiyevskaya soqağında yüz berdi. Maşna qadınnı cayav keçitinde urdı.
«Qadın svetofornıñ yasaqlağan qırmızı yarığı yanğan vaqıtta yoldan keçti. Bir-eki saniye saqlaycaq oldı», – dep yazdı vaqia şaatı.
Qaza neticesinde yolcu cayav keçitinden bir qaç metr uzaqlığına uçıp ketti.
Vaqia yüz bergen yerge acele yardım maşnası keldi, zararlanğan kişi hastahanege alıp ketirildi.