Tünevin adliyeci Mark Feyginniñ devletten çıqması yasaqlanğanı «tehnikiy hata» oldı.
«Şimdi Mahkeme pristavları federal hızmeti Merkeziy apparatından bildirdiler ki, tünevinki çıqış yasaqlanması tehnikiy hata ola! Tamam şimdi kete bilem. İç borcum ve çıqış yasaqlanması yoq», − dep yazdı Feygin Facebook saifesinde.
Oktâbr 13-te Rusiye Cezalarnıñ işke tüşürilmesi Federal idaresi rusiyeli adliyeci Mark Feyginge devletten çıqmağa yasaq etti. Adliyeci bildirme nushasını paylaştı, vesiqada aytıla ki, çıqış, «Rusiye Federatsiyası devlet sıñırından keçirüv noqtalarında sıñır nezareti etilmesi boyunca devlet vazifesiniñ işke tüşürilmesi boyunca Rusiye Federatsiyası Federal havfsızlıq hızmetiniñ Memuriy reglamenti tasdıqlanması aqqında» 2012 senesi noyabr 8-de qabul etilgen 562 sanlı Rusiye FSB emriniñ 36-ci maddesine binaen yasaq etildi.
Rusiyeli adliyeci Mark Feygin qırımtatar faal teşebbüsçisi İlmi Umerovnı imaye ete, bunen beraber, ukrain Nadejda Savçenkonıñ, onıñ rusiyeli apiste bulunğan vaqıtta, adliyecilerinden biri edi.
«Hamovniki» Moskva içki işler bölügi yaqında Mark Feyginniñ ekstremizmnen bağlı olğanı boyunca taqiqattan aldın teşkerüv keçire edi.
