Qırım yarımadasında furtuna havfı ilân etildi.
Qırım cumhuriyeti boyunca Fevqulade vaziyetler nazirligi matbuat hızmetiniñ bildirgenine köre, oktâbr 17-18 künleri Qırımda şimal-şarqiy yelniñ suratı saniyede 17-22 metrni teşkil etecek.
Qırım: deñişici bulutlı ava. Yağmursız. Şimal-şarqiy yelniñ suratı saniyede 7-12 metr, bazı yerlerde 17-22 metrni teşkil etecek. Ava arareti gece +1…+6º, dağ ögündeki rayonlarda topraq üstünde ayazlar, 3º suvuq; kündüz + 8…+13º; dağlarda gece tahminen 0º, kündüz +2…+7º.
Aqmescit: deñişici bulutlı ava. Yağmursız. Şimal-şarqiy yelniñ suratı saniyede 7-12 metr, bazı yerlerde 15-20 metrni teşkil etecek. Ava arareti gece +1…+3º, topraq üstünde ayazlar, 0…-2º suvuq; kündüz + 9…+11º.
Aqyar: deñişici bulutlı ava. Yağmursız. Şimal-şarqiy yelniñ suratı saniyede 15-17 metrni teşkil etecek. Ava arareti gece +5…+7º, kündüz + 9…+11º.
Bazarertesi künü saba şiddetli yel öskeni sebebinden Keriç boğazında parom areketi toqtatıldı.
Qurtarıcılarnıñ haber etkenine köre, furtuna neticesinde Qırım şeerlerinde elektrik ağlar qazaları ola bile, bunen beraber, terekler ve reklama levhaları yerge tüşe bile.
