Qırımda mahkeme «Hizb ut-Tahrir» işi boyunca qabaatlanğanlarnıñ apiste bulunma müddetiniñ uzattırılmasına qarşı şikâyetni baqacaq

19.10.201612:15

Oktâbr 20-de, cumaaqşamı künü Qırım Yuqarı mahkemesi 2017 senesi yanvar 12-ge qadar apiste bulunma müddetiniñ devam ettirilmesi aqqında Kiyev rayon mahkemesiniñ qararına qarşı Remzi Memetov, Enver Mamutov, Zevri Abseitov ve Rustem Abiltarovnıñ şikâyet arizasını baqacaq.

Toplaşuv saat 13:00-te başlanacaqtır (Aqmescit ş., Pavlenko soqağı, 2).

Bu aqta malümatnı qırımtatar teşebbüsçisi Zair Smedlâyev bildirdi.

Mayıs 12-de Bağçasarayda rusiyeli uquq qoruyıcılar musulmanlarnıñ evlerinde, bunen beraber, yerli «Salaçıq» qavehanesinde bir sıra tintüvler keçirdi. Neticede Zevri Abseitov, Remzi Memetov, Rustem Abiltarov ve Enver Mamutov yaqalandı. Olar, Rusiyede terroristik tanılğan «Hizb ut-Tahrir» teşkilâtınen bağlı olğanında şeklenile.

Фото аватара

Автор: Редакция Avdet

Редакция AVDET