Qırımda qazalarda sekiz adam elâk oldı

19.10.201615:40

Oktâbr 18-de gece Canköy-Kefe-Keriç yolunda qaza neticesinde dört adam, bunen beraber, çağına yetmegen bala elâk oldı, daa eki bala yaralandı.

Bu aqta Qırım GİBDD matbuat hızmeti bildire.

Beyanatta aytıla ki, qaza Kefe yaqınlarında, yolnıñ 377 kilometrinde. Lada Priora maşnasınıñ aydavcısı qarşı yolğa çıqtı ve Skoda Octavia avtomobilinen çatıştı.

«Lada Priora aydavcısı, yolcu ve çağına yetmegen bala elâk oldı, daa eki bala yaralandı. Skoda Octavia aydavcısı elâk oldı», – dep añlattılar matbuat hızmetinde.

19_10_2016_dtp_1 19_10_2016_dtp_2

Qırım Yedi Quyu rayonında oktâbr 18-de aqşam qaza yüz berdi, neticede eki insan zararlandı ve bir kişi elâk oldı.

Vaqia saat 21.45-te Canköy-Kefe-Keriç yolunda yüz berdi. Toyota Land Cruiser avtomobiliniñ aydavcısı cayav keçitinde üç insannı urdı. 20 yaşındaki yolcu elâk oldı, 19 ve 18 yaşlarındaki adamlarnıñ sarsıntuvı ve sınıqları oldı.

Aqmescit rayonında saat 20:30-da VAZ-21103 avtomobiliniñ aydavcısı yoldan keçken 72 yaşındaki aqay kişini urdı. Yolcu bir sıra yaralar aldı.

Aqmescit rayonında saat 18:40-ta VAZ-21114 avtomobiliniñ aydavcısı yol kenarında ketken 32 yaşındaki yolcunı urdı. Aqay qafa-miy yarasını, ezikler aldı.

Aqmescitte saat 14.50-de Peugeot-206 maşnasınıñ qapı açılğan vaqıtta, qapığa ayaqmaşna aydavcısı uruldı. Yigit ezikler, bunen beraber, sağ el kemikleriniñ sınığını aldı.

Aqmeçit rayonında saat 5:00-te VAZ-2106 avtomobiliniñ aydavcısı maşnanı idare etip olamadı, o, terekke uruldı. Aydavcı çoq yaralar aldı.

Bunen beraber, şaatlar Aqmescit rayonında Gres köyünde yüz bergen qaza aqqında bildire. Bu yerde VAZ ve furgon çatıştı. Qaza iştirakçileriniñ alı aqqında malümat belli degil.

19_10_2016_dtp_3

Oktâbr 19-da saba erte Aqyarda Rudneva soqağında qaza yüz berdi, marşrut taksi avtomobilnen çatıştı.

«Şimdiki vaqıtta (saat 8.10-da) doquz insan zararlanğanı aqqında belli. Bir insan elâk oldı», – dep bildire «İskra» Aqyar Fevqulade vaziyetler nazirligi matbuat hızmetiniñ malümatını.

19_10_2015_sevas1

Фото аватара

Автор: Редакция Avdet

Редакция AVDET