Bağçasarayda keçirilgen tintüvlerniñ sebepleri belli oldı

20.10.201610:40

Qırımtatarnıñ evinde tintüv antiterroristik tedbirler çerçivesinde keçirildi.

Bu aqta «Qırım.Aqiqat»qa bergen izaatında Qırımtatar Qurultayı Merkeziy saylav komissiyasınıñ reisi Zair Smedlâyev bildirdi.

Onıñ sözlerine binaen, Bağçasarayda qırımtatarlardan biriniñ evinde tintüvniñ keçirilmesiniñ sebebi, internette yerleştirilgen onıñ Qırım qamaçavı idarecisi Lenur İslâmovnen beraberlikte yapılğan fotoresimi oldı.

«Şimdi tintüv yekünlendi, bilgisayar alıp çıqarıldı. İnternette olardan biriniñ Lenur İslâmovnen beraberlikte yapılğan fotoresimi bar edi eken! Yani, bu (tintüv – Avdet), antiterroristik tedbirler çerçivesinde keçirilgen», – dep bildirdi Smedlâyev.

Diger qırımtatarlarnıñ evlerinde keçirilgen tintüvlerniñ sebepleri daa belli degil.

Oktâbr 20-de saba uquq qoruyıcılar Bağçasarayda yaşağan Server Abdulaliyev, Enver ve Asan Serverovlarnıñ evlerinde tintüvler keçirdi.

Фото аватара

Автор: Редакция Avdet

Редакция AVDET