Qırım hastahanelerinde tibbiy hadimler olmağanı içün büyük nevbetler peyda ola.
Bu aqta sağlıq saqlav naziri Aleksandr Golenko ilân etti.
Onıñ sözlerine binaen, Qırım sakinleriniñ oñaytlığı ve büyük nevbetler olmaması içün elektron qayd etüv çalışa, amma bu meseleni çezmey. Esas sebep – hadimlerniñ yetişmemezligidir. Qırımnıñ bazı rayon ve şeerlerinde birer ekim çalışa, oña nevbet tizile, dep bildire «MK Qırımda».
Golenkonıñ malümatına köre, eñ çoq ekim yetişmemezligi Keriç, Krasnoperekopsk ve Curçı rayonında duyula. Ekimlerni bu rayonlarğa celp etmek içün ükümet tibbiy hadimlerge mesken evlerini bere.
