Tünevin Aqmescit civarında, Aqyarda ve Qırım dağlarında ilk qar yağdı.
Bu aqta içtimaiy ağlar qullanıcıları bildire.
Sinoptiklerniñ malümatına binaen, bugün ve yarın Qırımda arktik tsiklonı olacaq. Ava arareti gece sıfırdan aşağı 3 derece, kündüz sıfırdan yuqarı 5-8 dereceni teşkil etecek. Qırımnıñ aman-aman er yerinde yağmur yağacaq (bazı vaqıtları qar ile), saniyede 15-20 metr suratınen cenüp-ğarbiy şiddetli yel esecek.
Aqyar sakinleri içtimaiy ağda burçaqnı köstergen fotoresimlerni paylaştı.
