Putin Qırımnıñ yañı politsiya yolbaşçısını tayinledi

01.11.201615:35

Qırım politsiya yolbaşçısı vazifesine Rusiye Vologda vilâyetinden politsiya polkovnigi Pavel Karanda tayinlendi.

Rusiye prezidenti Vladimir Putin mütenasip emirni oktâbr 31-de imzaladı.

«Politsiya polkovnigi Karanda Pavel Leonidoviçni Qırım İçki işler naziriniñ muavini – politsiya yolbaşçısı vazifesine (tayinlemek – Avdet)», – dep bildire müessiseniñ matbuat hızmeti.

Pavel Karanda Omsk şeerinde doğdı. 2009 senesine qadar Murmansk ve Murmansk vilâyetinde cinaiy qıdıruvda çeşit vazifelerni eda etken edi, 2013 senesinden başlap, Rusiye İçki işler naziriginiñ Vologda vilâyeti boyunca idaresi yolbaşçısınıñ muavini edi.

Фото аватара

Автор: Редакция Avdet

Редакция AVDET