Aqmescit baş mimarı Ernst Mavlütov oktâbr 31-den vazifesinden boşatıldı.
Bu aqta cumhuriyet yolbaşçısı Sergey Aksönov bildirdi.
«Aqmescit mimarı Ernst Mavlütov bazarertesi künü vazifesinden boşatıldı. Gennadiy Baharevge (Qırım paytahtınıñ memuriyet yolbaşçısı, – Avdet) çoq sualim bar», – dep ayttı Aksönov.
Qırım yolbaşçısı yarımada mimarlarınıñ qanunsız qurucılıqqa qarşı küreşteki areketlerinden memnün olmağanını bildirdi, dep haber ete «RİA Krım» agentligi.
Qazan şeeriniñ sabıq baş mimarı, Moskva mimarcılıq komiteti reisiniñ sabıq muavini Ernst Mavlütov Aqmescit baş mimarı vazifesine 2015 senesi aprel ayında tayinlendi.
