Noyabr 2-de Rusiye Federal havfsızlıq hızmetiniñ Qırım idaresinde Qırımtatar Milliy Meclisi reisiniñ muavini İlmi Umerovğa qabaatlı olaraq celp etüv aqqında yañı qarar qabul ve taqdim etildi.
Bu aqta onıñ adliyecisi Emil Kurbedinov Facebook saifesinde yerleştirgen video muracaatında bildire.
«Qararda, alınğan ekspertiza neticeleri munasebetinen, qabaatlav qayd etilgen. Hatırlatam ki, taqiqat, ATR (telekanalı, – Avdet) tarafından çıqarılğan malümatnı yollağan edi, olar, o yerde ekstremizm elementleri barmı, cevap bersin dep. Elbet, ekspertiza qanaanlendirici cevap berdi. Bu malümat, qabaatlı olaraq celp etüv aqqında qararğa kirsetildi», – dep añlattı adliyeci.
İşniñ yañı şaraiti munasebetinen, taqiqatçı daa bir sorğu keçirecek edi, Umerov, Rusiye Anayasasınıñ 51-ci maddesine esaslanıp, bunı red etti.
