Qırımda adliyeci Nikolay Polozovğa qarşı, taqiqat faaliyeti alıp barılması içün, mahkeme toplaşuvınıñ keçirilmesi belgilendi.
Bu aqta Polozov noyabr 3-te Twitterde yazdı.
Polozov paylaşqan vesiqa nushasına binaen, 2016 senesi noyabr 8-de Qırım Yuqarı mahkemesi binasında aldiyeci Polozovğa nisbeten taqiqat faaliyeti alıp barılmasına razılıq aqqında prokurornıñ şikâyet arizası baqılacaq.
«Endi Qırımda meni tek Qırım boyunca Taqiqat idaresi degil de, amma FSB de taqip ete. Muvafaqiyet. Bunen beraber, er şey doğru yapqanım tasdıqlana», – dep ayttı Polozov.
К слову о давлении. Узнал, что ФСБ в Крыму хочет проводить следственные действия в отношении меня. Прокуратура пытается им помогать. pic.twitter.com/RTaSwQntar
— Николай Полозов (@nikolai_polozov) 3 ноября 2016 г.
Bundan evel Nikolay Polozov bildirdi ki, oña nisbeten eki madde boyunca taqiqattan aldın teşkerüv keçirile – «ükümet temsilcisini aqaretlev» ve «mahkeme ve esnas iştirakçilerine nisbeten ürmetsizlik».