Bağçasarayda Lenin soqağındaki tarihiy bina yoq etildi

04.11.201615:50
снос исторического здания на улице ленина, 97 в бахчисарае

Bağçasarayda Lenin soqağı, 97 adresi boyunca yerleşken tarihiy bina, cemaatçılıqnıñ narazılığına ve tarihiy binanıñ yıqtırılması uyğunlaştırılacağına qadar toqtatılması kerek olğanı aqqında Medeniy asabalıq saqlavı boyunca Devlet komitetiniñ emirine baqmadan, yoq etildi.

Evel bina yerleşken yerde tehnika ve adamlar çalışa, olar yıqıntılarnı cıyıştıra, dep bildire Avdetniñ mühbiri.

lenina-97

lenina-97_2

снос здания на ул.ленина,97 в бахчисарае

lenina-97_3

lenina-97_4

lenina-97_1

Oktâbr ayında Bağçasarayda, Hanlar sarayı yanındaki tarihiy binalardan biri yıqtırılıp başladı. Memuriyet yolbaşçısı Aleksandr Trânovnıñ bildirgenine köre, bina alınıñ qazaiy olğanı tanıldı ve onıñ yıqtırılması kereklidir. Buña memurnıñ tehnikiy neticesi bar.

Qırım cemaatçı ve mimarları bu meseleden büyük qasevet çekti, olar Bağçasaraynıñ tarihiy körünişini saqlamağa çağıra. Olarnıñ ilân etkenlerine köre, binanıñ medeniyet asabalığı abidesi olğanını tanımaq içün, cemaatçılar ekspertiza keçirmek içün para taptı, bunen beraber, onı bütünley tamir etmek içün yatırımcını tapacaqlar, dep söz berdiler.

Avdetniñ bildirgenine köre, Qırım tarihiy müzey-qoruğınıñ tesisçisi Guliver Altın Bağçasaray tarihiy asabalığını saqlav boyunca «Bağçasaraynı saqlayıq» kampaniyası teşkil etilmesiniñ teşebbüsçisi oldı. O, cemaat erbaplarını ve mühbirlerni işbu aktsiyağa qoltutmağa çağırdı. Bu künleri aktsiya çerçivesinde yol işleri ve Bağçasaray tarihiy qısmınıñ saqlanması meseleleri muzakere etildi.

Фото аватара

Автор: Редакция Avdet

Редакция AVDET