Odessa vilâyet devlet memuriyeti yolbaşçısı Mihail Saakaşvili istifağa çıqmaq qararını aldı.
Bu aqta o, Odessada keçirilgen brifingde bildirdi, dep haber ete Radio Svoboda.
«İstifağa çıqmaq ve küreşniñ yañı basamağına keçmek qararını aldım», – dep ilân etti Saakaşvili.
Bundan evel belli olğanına köre, Odessa politsiyası yolbaşçısı Giorgi Lortkipanidze istifağa çıqtı.
«İşbu basamaqta Odessa politsiyası inkişafı içün yañı qan kerektir. Bugün öz istegim ile istifağa çıqmaq içün ariza yazmaq qararını aldım», – dedi Lortkipanidze.
Bu sene avgust ayında Arsen Jumadilov Odessa vilâyet devlet memuriyeti yolbaşçısınıñ muavini vazifesine tayinlendi.
