Hillari Klinton AQŞ prezident saylavlarında yeñilgenini tanıdı

09.11.201611:15

Hillari Klinton Donald Trampqa telefon etti ve saylavlarda yeñilgenini tanıdı, dep bildire CNN.

Televizion şirketiniñ mühbiri Dana Beş bu aqta canlı yayında, demokratlardan namzetniñ ştab-dairesinde şahsiy menbalarnıñ malümatına esaslanıp, haber etti, dep bildire «Kommersant».

Bundan evel Associated Press ve Bloomberg, öz esaplarına esaslanıp, prezident saylavlarında Trampnıñ ğalebesi aqqında ilân etti.

Klinton, saylavlar yekünlengen soñ, öz safdaşları ögünde sözge çıqmadı. Onıñ saylav ştabınıñ yolbaşçısı Jon Podesta Klintonnıñ tarafdarlarına yuquğa toyıp, kelecek kün kene toplaşmağa teklif etti, ve rey esaplama devam etkenini hatırlattı.

Фото аватара

Автор: Редакция Avdet

Редакция AVDET