Fevqulade vaziyetler nazirliginiñ Qırım idaresi yarımadada ava bir kereden deñişecegi aqqında bildire. Yağmur ve qar yağması, buzlavuq beklenile.
Sinoptikler bunı Aq Deñiz tsiklonınıñ faal suvuq dalğası keçmesinen bağlay.
«Noyabr 13-14 künleri Qırımda ava bir kereden deñişek: noyabr 13-te şiddetli, bazı yerlerde pek şiddetli yağmur yağacaq. Noyabr 14-te sılaq qar, yollarda buzlavuq beklenile. Saniyede 20-25 metr suratınen şiddetli yel esecek. Noyabr 14-te ava arareti -1+4 dereceni teşkil etecek», – dep haber etildi Fevqulade vaziyetler nazirliginde.
