Aqyarda qurtarıcılar deñizde avdarılğan qayıqtan yalığa yaldap yetmege tırışqan aqay kişini qıdıra.
Bu aqta şeer akimiyetiniñ apparat toplaşuvında ealini vatandaş qurtaruvı tedbirleriniñ teminlenmesi idaresi yolbaşçısınıñ muavini Dmitriy Morozov bildirdi.
Vaqia cumaertesi künü, noyabr 12-de tahminen saat 14:00-te Qaya Baş burnu rayonında yüz berdi.
«Rostulov Ç15001» qayığı yüksek dalğadan suvğa toldı ve avdarıldı. Kapitan ve eki qayıq yolcusı başta avdarılğan qayıqqa mindi. Bundan soñ yolculardan biri, kapitannıñ yasaq etkenine baqmadan, yalığa yaldamağa başladı. Kapitannıñ sözlerine binaen, bir vaqıt devamında onı körmek mümkün edi, amma yalığa yaqınlaşqanda adam közden ğayıp oldı.
Bir qaç vaqıt keçken soñ ekinci yolcu da yalığa yaldadı. O, Balıqlava rayonındaki «Vasili» plâjına yaldap yetti.
Qayıqta qalğan kapitan apayına, bunen beraber, 101 nomeri vastasınen vaqia aqqında bildirdi. Bundan soñ o, «Vitali» katerine alındı ve yalığa ketirildi.
Birinci yolcunı Fevqulade vaziyetler nazirligi Aqyar boyunca Baş idaresiniñ mahsus taqımınıñ hadimleri qıdırıp başladı. Vaqia yüz bergen rayon ve yalı territoriyası teşkerilip baqıldı, amma coyulğan adam tapılmadı.
«Vatandaşnıñ qıdırılması devam ete», – dep qayd etti Morozov, bildire «RİA-Krım».
