İş adamları Ay-Petride ticariy noqtalarnıñ yoq etilmesine yol bermez

14.11.201619:20

Ay-Petri dağındaki ticariy noqtalarnıñ saipleri Qırım ükümetine olarnıñ qavehanelerini yoq etmege bermez.

Binalar saipleriniñ bildirgenlerine köre, Ay-Petri dağında işni saqlav mitinginde tek olar degil de, amma hadimler de, yani aydavcı, satıcı, ofitsiant olaraq çalışqan 800-den ziyade adam toplaşacaq.

«Menim noqta-i nazarım böyledir: yoq etmege isteseler, kelip yıqtırsınlar. Men yıqıntılar tübünde ölecem», – dep bildirdi qavehanelerniñ biriniñ saibi Redvan ve qayd etti ki, qavehane, onıñ yekâne malıdır.

İş adamlarınıñ haber etkenlerine köre, olarnıñ em ukrain, em de rusiyeli bütün kerekli vesiqaları bar.

Bundan evel Qırım yolbaşçısı Sergey Aksönov noyabr 1-ge qadar qararnı almağa ve Ay-Petri dağında yerleşken ticariy obyektlerni yoq etmege emir etti.

Фото аватара

Автор: Редакция Avdet

Редакция AVDET